SAMIDEANO  (Nura trans-skribado de la teksto)

(Komponis, kantis kaj registris: Eterne Rima)

Hodiaŭ mi serĉis trarete la tekston de “Samideano”, fama kanto tre ŝatata de mi, kiun Eterne Rima publikigis per Vinilkosmo en 2010. Sed, post iom longa serĉado, ŝajnis ke neniu tiun skribadon iam faris!! Do, jen mi tion faris!

https://www.youtube.com/watch?v=PrHU_lICydA

--------------------------------------------------------------------------------------

Samideano, ĉu vi atendas ĝis la “Fina Venko”?

samideano, ni ĉiuj sidas sur la sama benko

samideano, ĉu vi laboras por pli bona mondo? Ho, jes!

samideano, kion signifas “familia rondo”?

Multaj homoj miras kaj miras kiam mi Esperanton parolas

la klarigo estas simpla: mi tiel volas

kaj mi ne vivas en histori’, nek venas de l’ futur’

mi ekzistas hodiaŭ, antaŭ mi nenia mur'

mi volas esti bona homo, kun amikoj en ĉiu domo

saluti esperantistojn en Ŝanhajo kaj en Romo

kaj en ĉiuj lokoj, kiujn ne eblas mencii

vi devas tion scii.

Samideano, ĉu vi atendas ĝis la “Fina Venko”?

samideano, ni ĉiuj sidas sur la sama benko

samideano, ĉu vi laboras por pli bona mondo? ho, jes!

samideano, kion signifas “familia rondo”?

Ĉu Esperanto iam venkos?

ne demandu min; eble ĝi jam venkis

sed oni ne sufiĉe tion prezentis

ĉar sentis homoj jam fari aferojn tute aliajn;

ne gravas. Mi ja havas amikojn miajn

por mi certe tio bonas, mi pli multe ne bezonas

bele estas tiel, mi nenion al vi ordonas

ne batalas, mondon ne ŝanĝas, ĉar ne eblas.

Tio ja kompreneblas!!

Samideano...(ree)