NE VENOS ALIA TRAMO...

(AL LA POSTPANDEMIA MONDO)

Jen televidilon lumigis mi

denove mi sidas kaj spektas ĝin

surekrane, ĉiutagaĵoj mil

sed en la mondo, nenia ŝanĝiĝ’ 

la samaj problemoj eterniĝas

militoj, maljustaĵoj ja daŭras

al konsumad’ reklamoj instigas

la medio natura ne gravas

pandemio trakovris la mondon

ŝajne paneis ĉiu rimedo

meze de duboj falis homaro

nigrega aspektas estonteco

atentu!, registaroj tutmondaj

aŭskultu!, nacioj ĉiulandaj

forigu erarojn ĉiutempajn

okazigu nun fratecon novan

for iros iam tiu malsano

ĉi-cele havendas forta mano

sed nepras nova vivo-programo

tute ne venos alia tramo!