(Sekvantaj la tradician normon pri 5-7-5 silaboj; rimiĝoj aperus nur en kelkaj el ili. La subaj hajkoj estas verkitaj dum la koronvirusa pandemio de 2020)
Ni tro veturas
multe aŭtomobilas
Ter’ sufokiĝas
Naturo plendas
pro homa detruado
io farendas
Printempaj floroj
Sciu, ke vi postvivos
Dank’ al pandemi’
Tago alvenas
homoj ne detruadas
Naturo ĝojas
Kampara aer’
pura kaj karesema
ĝuindas, la Ter’
Koronviruso
multaĵojn vi mortigis
aliajn savis
Muzik’ aperas
tial ĝojo alvenas
ĉagreno svenas
Jam nova sento
nepre devas okazi
ĉe ĉiu gento
Marojn, ĉielojn
fihoma progresaĉo
ne plu poluu!
Estu pluvo nun
freŝa aero ĉie
tuj iru for fum’
Kongresumu ni
estu tio per-rete
ret-Esperanti’
Futur’ estas jam
kaj ŝanĝoj tute nepras
ne pli da malam’
(La hajkojn verkis: Juan García del Río. Noto: La du aperantaj naturemaj bildoj estas elkajeraj mandaloj kolorigitaj de mi dum tiuj pasintaj tagoj)
No hay comentarios:
Publicar un comentario